Desember er steypamánaður í Meistaradeildini í flogbólti.
Tíðindaskriv – Flogbóltssamband Føroya: Desember er steypamánaður í Meistaradeildini í flogbólti.
Landskappingin liggur nú still til í januar, og liðini kunnu fult og heilt halga seg til steypadystirnar, ið byrja nú um vikuskiftið.
Grundað á úrslitini seinasta kappingarár, eru bólkarnir skipaðir soleiðis:
Meistaradeild kvinnur:
Bólkur 1: Fleyr, Dráttur, KÍF, Ternan.
Bólkur 2: SÍ, TB, Mjølnir, ÍF.
Meistaradeild menn:
Bólkur 1: ÍF, Ternan, Mjølnir.
Bólkur 2: SÍ, Fleyr, TB.
Liðini spæla ein dyst hvør ímóti øðrum, har seedingin ger av, hvat lið fær ein ella tveir heimadystir. Hjá kvinnunum skal Fleyr verja steypasigurin frá seinasta kappingarári, og tann verjan byrjar leygardagin ímóti KÍF.
Steypavinnararnir hjá monnunum úr ÍF skulu í sínum lagi út í fyrstu verjuna leygardagin, tá ið Ternan, ið higartil hevur havt eitt fínt kappingarár, kemur á vitjan. Spennandi verður somuleiðis hjá monnunum at fylgja TB, sum hevur teknað eitt lið til í steypakappingini.
Dystir hetta umfarið:
Meistaradeild kvinnur:
Fleyr – KÍF Leygardagin 3. desember kl. 17.00 Gundadalshøllin
Dráttur – Ternan Mikudagin 7. desember kl. 18.00 Giljanes
SÍ – TB Sunnudagin 4. desember kl. 15.00 Sørvágur
Mjølnir – ÍF Mikudagin 7. desember kl. 20.00 Badmintonhøllin í Klaksvík
Meistaradeild menn:
ÍF – Ternan Leygardagin 3. desember kl. 16.00 Høllin á Kambsdali
SÍ – Fleyr Sunnudagin 4. desember kl. 17.00 Sørvágur
