Fremsta liðið hjá Stjørnuni vann sera trygt á Stíf í Kí Høllini ídag. Hálvleiksstøðan var 13-9 til Stjørnuna.
Hóast sigurin bleiv stórur til Stjørnuna, so má sigast, at Stíf fylgdi væl við í byrjanini av fyrra hálvleiki. Tá um hálvur fyrri hálvleikur var farin, var bert eitt mál á muni. Sigst skal tó, at Stjørnan ikki brúkti sterkastu uppstillingina í byrjanini.
Í seinna hálvleiki var ongin ivi. Stjørnan dróg alt meira og meira frá Stíf og gjørdist endaliga úrslitið sostatt 28-18 til Stjørnuna. Simona Petersen skoraði 7 mál, ímeðan Durita Kristoffersen skoraði 6.
