Snørisvirkið spílar seg út á tørradøgunum við framsýning av teyma og línuframleiðslu.
Umframt tær báðar framsýningarnar av fiskireiðskapi, ið eru í Leikalund og á JF Kjølbro Heilsølu, stílar Snørisvirkið eisini fyri forvitnisligar framsýning av fiskireiðskapi.
Høvið verður at síggja línu og teymaframleiðslu. Á Snørisvirkinum kanst tú á torradøgnum síggja hvussu lína og teymar verða framleiddir, sum í dag verða brúkt í fiskivinnu okkara. Eisini kann mann síggja hvussu svøvlar verða settir á línuna.
Harafturat verður eisini møguleiki at síggja annan fiskireiðskap bæði til vinnulig endamál eins og frítíðarfiskarar.
Tey sum koma inná gólvið á Snørisvirkinum fáa sjálvandi ein kaffimun og eitt prát við starvsfólkini um fiskireiðsskap og annað.
Øll eru hjartaliga vælkomin
