Er tú klár/ur at seta tín dám á ein fjølbroyttan og altjóða arbeiðsdag?

Navigare Shipping sóknast eftir einum bókhaldara ella skrivstovufólki, sum trívist við avbjóðingum og hevur hug at gerast ein týðandi partur av okkara fíggjardeild.

Arbeiðsøki:
Tú kemur at arbeiða við fjølbroyttum bókhaldsuppgávum og fíggjararbeiði fyri bæði Navigare Shipping í Føroyum og okkara dótturfeløg uttanlands. Uppgávurnar eru skiftandi og spennandi, og tú fær høvi at seta tín dám á altjóða virksemið.

Førleikar, vit leita eftir:

• Útbúgving innan skrivstovuarbeiði, fyrisiting ella annað líknandi.
• Góðan KT-førleika, serliga við royndum í Dynamics NAV og Office 365.
• Góðan málkunnleika í føroyskum, donskum og enskum.

Persónligir eginleikar, vit vænta:

• Tú dugir at arbeiða sjálvstøðugt, men trívist eisini í toymi.
• Tú ert fyrikomandi, væl skipað/ur og fleksibul.
• Tú trívist í einum fjølbroyttum arbeiðsumhvørvi, har hvør dagur hevur nýggjar avbjóðingar.
• Tú megnar væl at hava fleiri ymiskar uppgávur í senn.

Vit bjóða tær:

Góða innleiðslu og neyðuga upplæring.

Fjølbroyttar og spennandi arbeiðsuppgávur, sum fevna um altjóða handilssambond.

Eitt gott og dynamiskt arbeiðsumhvørvi, har samstarv og trivnaður er í hásæti.

Umsókn, løn og setan

Løn og setanarviðurskifti verða ásett eftir avtalu. Starvsstaðurin er í Søldafirði.

Vit bjóða góða innleiðslu og eitt spennandi arbeiðsumhvørvi, við dugnaligum og eldhugaðum starvsfólkum.

Umsókn, saman við prógvum, lívsrensli, viðmælum, v.m., skal vera okkum í hendi skjótast gjørligt og í seinasta lagi 3. januar kl. 15.00, til Navigare Shipping, umvegis teldupost á jjo@navigare.fo. Vilt tú vita meira um starvið, ert tú vælkomin at seta teg í samband við Arna Rasmussen, fíggjarstjóra, á tlf 523013, ella við telduposti ar@navigare.fo.  Allar umsóknir verða viðgjørdar í trúnaði.

Vit ynskja, at starvið verður sett skótast gjørligt.