EM 2016: Ongland hevur júst nú vunnið 2-1 á Wales og hevur nú lagt seg á odda í bólkinum. Hóast tað leingi sá út til aftur at gerast til ein javnleik, var tað Ongland, sum í allarsíðstu løtu vann dystin.
mynd: theguardian.com
EM 2016: Ongland hevur júst nú vunnið 2-1 á Wales og hevur nú lagt seg á odda í bólkinum. Hóast tað leingi sá út til aftur at gerast til ein javnleik, var tað Ongland, sum í allarsíðstu løtu vann dystin.
Tveir minuttir inni í yvirtíðini skoraði Daniel Sturridge higartil týdningarmesta málið fyri Ongland.
Ongland hevði fyri tað mesta bóltin í fyrra hálvleiki, men tað legði Gareth Bale onki í. Í minutti 42 legði Bale Wales á odda 1-0 við beinleiðis frísparki. Joe Hart átti at tikið bóltin, uttan at taka nakað frá Bale.
Raheem Sterling kundi lagt Ongland á odda í sjeynda minutti, men var óneyvur frammanfyri málinum. Eisini var Chris Smalling sera tætt við eftir hornaspark, men bólturin fór dygst fram við handaru stong. – Onglendingarnir føldu seg órætt viðfarnar í 31 minutti tá ið hond var á bóltinum í brotsteiginum hjá Wales, men donsku viðmerkjararnir meta ikki, at hetta var brotsspark.
Roy Hodson, enskur landliðsvenjari, gjørdi í hálvleikinum tvær innskiftingar, sum skuldu vísa seg at avgera dystin. Fyrst var tað Jamie Vardy, sum javnaði, og í yvirtíðini avgjørdi Daniel Sturridge dystin.
Bólkur: B, umfar: 2
Dystur: Ongland – Wales
Mál pr. min.:
0-1 Gareth Bale, Wales (42)
1-1 Jamie Vardy, Ongland (56)
2-1 Daniel Sturridge, Ongland (90+2)
Útskiftingar:
Ongland (3): 45 – Jamie Vardy fyri Harry Kane, Daniel Sturridge fyri Raheem Sterling, 73 – Marcus Rashford fyri Adam Lallana.
Wales (2): 67 – David Edwards fyri Joe Ledley, 72 – Jonathan Williams fyri Hal Robson-Kanu
