Vit mugu geva børnunum bestu kor. Hetta rokni eg við at flest øll eru samd um. Ikki tí eg haldi at børnini í Klaksvíkar Kommunu eru illa fyri, ella verri fyri enn onnur børn í Føroyum, men hvat kunnu vit betra um?
Skúlarnir báðir á Ziskatrøð og við Ósánna eiga at vera samanlagdir. Ávíst samarbeiðið er ídag um fimleikarhallir, skúlakøk, serstovur o.a., men hetta kundi væl verið víðkað.
-Betri útnyttan av serlærarum, hetta hevði givið næmingunum fleiri tilboð, og ikki minst lærarum betri royndir.
-Bíligari rakstur. (sparing) Ein leiðsla, betri útnyttilsi av skúlastovum, amboðum, teldum o.s.v. Optimeraðir flokkar, aftur ein sparin.
-Betri valtilboð til næmingarnar.
Hetta síðst nevnda er áhugavert tí í dag er tað soleiðis í framhaldsdeildini, at um ov fáir næmingar í t.d. Ósáskúlanum velja eina vallærugrein, verður ongin flokkur. Líka mikið um hin skúlin kanska akkurat hevði nokk av næmingum til somu vællærugrein, og væl hevði havt pláss til 10-15 næmingar í tí flokkinum.
Eru lærararnir og Skúlin ikki har fyri næmingarnar – og ikki øvugt?
Tað er her børnini brúka dagtímarnar í 10 ár, og trívast tey ikki her, fær tað óhepnar fylgjur.
Smáídnaður ov vanaligar sømdir
Betrast skal um umstøðurnar hjá hesum partinum av vinnulívinum. skundast skal undir arbeiðið við ídnaðarøkinum úti á skarðhamri, so tað ikki endar við at standa sum hitt ídnaðarøkið gjørdi í fleiri ár. Økið eigur eisini at vera gjørt til lastbilaeigarar so akfør teirra, sum í dag standa parkeraði á vegnum í bygdum umráði, kunnu parkerast uttan ampa fyri onnur.
Á hesum øki skal vera møguleiki fyri vasking v.m.
Hetta er bert tvey av málunum eg hevði arbeitt fyri, um tit settu krossin við meg.
Vel lista D(ahl)
