og tað er sera løgið at hoyra hann úttala seg í fjølmiðlunum um at eg nú skal gerast til ein av fremstu ráðgevarum hansara, sigur Heini O. Heinesen við Norðlýsið
– Verurleikin er, at tá vit fundaðust í flokkinum, spilti hann meg út framman fyri tingmanning flokksins.
– Hann klallaði meg sjálvuppgjørdan og tað sum verri er, men vit vita at Tobbi tolir ikki at verað mótsagdur.
– Tað sum hann nú førir fram er lygn og tað veit hann eisini.
– At eg skal hava verið góður í ráðum er púra ókent fyri mær.
– Eg havi sitið í starvsnevndini hjá flokkinum tá uppskot varð lagt fram um fiskidagabanka. Eingin spurgdi meg um mína meining – sjálvt um eg var partur av leiðsluni.
– Eg havi gjørt flokkinum púra greitt at eg fari ikki at stuðla samgonguni í tí sum hon ætlar á fiskivinnuøkinum.
– Ein fiskidagabanki fer at føra okkum aftur til tað tíðina tá vinnan var politiskt stýrd – tí verður alt bara túsund ferðir verri.
Skeivleikar í vinnuni
Heini O. Heinesen sigur at partar av politisku skipanini hava fullkomuliga misskilt trupuleikarnar í vinnuni.
-Tað er púra greitt fyri øllum at tað ikki er rætt at einastu menn – sum fáa veriligan vinning burtur úr vinnuni – skullu vera teir, sum selja seg út úr vinnuni.
– Tað at flotin ikki hevur megna at fornýggja seg hóast skuldin er nógv vaksin seinastu árini er eisini ein stórur trupuleiki, sum politiska skipanin eigur at gera nakað við.
– Men hesir trupuleikar verða ikki rættaðir við einum fiskidagabanka.
– Tað kann fyri sovítt gera tað sama um tann sum selir eitur Bjørn Kalsø ella Hanus Hansen.
– Eg kann siga so mikið um samgongusamráðingarnar, at tað vóru ikki fólk við skilið fyri fiskivinnuni, sum skrivaðu tað, sum stendur í samgonguskjalinum um fiskivinnupolitikkin.
Skilir ikki flokkin
– Eg má siga at eg standi púra óskiljandi yvir tað støðu, sum flokkurin nú hevur tikið. Eg skilji heldur ikki at formaðurin valdi at stuða Tobba í hesum málinum.
– Øll kenna teir trupuleikar, sum flokkurin hevur havt av Tobba og eg standi við tað, sum eg segði á fundinum í gjár at flokkurin kemur eisini at fáa trupuleikar av honum í framtíðini.
