Tilsamans vóru 3.246 tons at fiska á Flemich Kap, men við verandi fiskiskapi verður kvotan uppfiskað longu um 14 dagar. Fiskiskapurin hjá trolarunum gongur sera væl og hava teir fiska tveir triðingar av kvotuni.
Tilsamans vóru 3.246 tons at fiska á Flemich Kap, men við verandi fiskiskapi verður kvotan uppfiskað longu um 14 dagar. Fiskiskapurin hjá trolarunum gongur sera væl og hava teir fiska tveir triðingar av kvotuni.
Í morgun siga nýggjastu tølini frá Vørn at fiskað eru tilsamans 2.410 tons á Flemich Kap. Í gjár høvdu trolararnir fiskað 1.646 tons og línuskipini 746 tons. Fiskiskapurin er góður og við verandi fiskiskapi verður kvotan uppfiskað um tvær vikur.
Fiskiskapurin á Flemmich Kap byrjaði 28. Januar og seinasti báturin sum kom á Flemich Kap var Klakkur.
Sambært tølum frá Vørn hava trolarnir higartil (í gjár), fiska góðar tveir triðingar av tí sum longu er fiskað.
Brestir 460
Fønix 431
Sjagarklettur 371
Vesturleiki 383
Tilsamans 1646
Línuskipini hava eisini góðan fiskiskap,
men fiska ikki eins skjótt sum trolararnir (tøl frá ígjár):
Kambur 269
Klakkur 268
Vágasteinur 208
Tilsamans 746 tons
Vildu hava skott
Línuskipini kravdu upprunaliga at landsstýrið setti skott ímillum tað sum trolarar og línuskip kundu fiska. Men hetta valdi landsstýrismaðurin ikki at gera grunda á fiskiskapin í fjør tá fiskiskapurin hjá trolarunum miseydnaðist. Tí fiska trolarar og línuskip í fríðari kapping og tølini vísa eisini at trolarar fiska væl skjótari enn línuskipini.
Í morgun siga nýggjastu tølini frá Vørn at fiskað eru tilsamans 2.410 tons á Flemich Kap.
