Skal farast eftir tølunum um valluttøkuna í Klaksvík til miðdags, so kann roknast við lakari vallutøku enn til seinasta fólkatingsval.
Valrætt hava 3461 fólk í Klaksvíkar Kommunu og kl. 12.00 ídag høvdu 264 fólk brúkt møguleikan at velja.
Til samanberingar kann nevnast, at til seinasta fólkatingsval høvdu 285 valt á miðdegi.
Sami tendensurin er viðvíkjandi brævatkvøðum. Til valið hesaferð eru komnar 97 brævatkvøður i Klaksvík, ímeðan tær vóru 136 seinast. Men minkingin í brævatkvøðum skal takast við fyrivarni, tí Norðoyatunnilin ger, at fólk, sum eitt nú eru stødd í Havn, fáa væl tíð at koma norður at velja, áðrenn valhølið letur aftur í kvøld.
