Tað var fyrst og fremst við atliti til familju mína at eg tók avgerð um at flyta felag og búðstað, sigur Jákup Mikkelsen
KÍ-hetjan og landsliðsmálverjin, Jákup Mikkelsen, sigur at tað var fyrst og fremst við atliti til familjuna at hann valdi at gera sáttmála við B36.
– Síðani eg byjaði á læraraskúlanum í Havn og ferðast ímillum, havi eg faktist verið skaddur og eg ivist ikki í at stress hevur verið ein partur av orsøkini.
– Eitt er tað at ein gongur í skúla í Havn og ferðast í millum, men tá eg komið til Klaksvíkar skal eg til venjing og eri tí ikki við hús fyrr enn seint á kvøldi.
Góður sáttmáli
Jákup sigur at B36 bjóðaði honum sáttmála og eina íbúð í Havnini og at hann og familjan flyta til Havnar 1. november.
– Vit hava gjørt ein tvey ára sáttmála og hetta tíðarskeiðið komið eg eisini at virka sum málmansvenjari.
– Eg havi eisini skilt at teir hava stórar ætlanir og hava sum mál at gerast føroyarmeistarar komandi ár.
– Tað er als eingin ósemja millum meg og KÍ og eg eri glaður um at teir í leiðsluni hjá KÍ hava skilt mína støðu og tað avgerð, sum eg havi tikið, sigur Jákup Mikkelsen í stuttari viðmerking.
Jákup hevur sum sagt gjørt ein tvey ára sáttmála við B36, men kemur óivað at búgva longur í Havn tá lærutíðin á skúlanum er trý ár.
