Undirtøkan var sera góð og eini 70 luttakarar – umframt foreldur og onnur – møttust í Skúlanum á Argjahamri. Umstøðurnar at telva vóru framúr góðar í snotuliga skúlanum, og telvað varð í 4 bólkum.
Talvsamband Føroya skipaði fyri talvkapping fyri børn- og ung í vikuskiftinum.
Undirtøkan var sera góð og eini 70 luttakarar – umframt foreldur og onnur – møttust í Skúlanum á Argjahamri. Umstøðurnar at telva vóru framúr góðar í snotuliga skúlanum, og telvað varð í 4 bólkum.
Eftir lokna kapping fingu allir luttakararnir handað skreytblað, sodavatn frá ”Okkara” og okkurt søtt til tonna. Nr. 1 – 3 í bólkunum fingu harumframt handað medaljur.
Jón í Horni Nielsen vann bólkin 0 – 2. flokk, 3 – 5. flokk vann Leif Reinert Fjallheim, 6 – 7. flokk vann Ragnar Weihe og Høgni Egilstoft Nielsen vann elsta bólkin.
Sunnudagin 26. mei verður næsta talvkappingin fyri børn- og ung í Kollafjarðar Skúla. Lýst verður nærri á www.faroechess.com í vikuni, har fleiri myndir frá kappingini eisini eru at síggja.
