Suðuroyingar missa týðandi leikara, sum harafturat telist millum royndastu leikararnir í hópinum í fjør.
Liðskiparin og næstelsti føroyingurin á liðnum verður ikki tøkur hetta kappingarárið. Hann fer av landinum í lestrarørindum.
Ein av lyklaleikarunum hjá fyrst TB og í fjør hjá TB/FC Suðuroy/Royn var Rógvi Joensen, sum eisini í fleiri ár hevur verið liðskipari. Hóast hann bara er 24 ár, so var hann í fjør næstelsti føroyingurin á liðnum hjá suðuroyingum. Hann váttar fyri Norðlýsinum, at hann fer av landinum í lestrarørindum og tí væntandi ikki spælir við TB/FC Suðuroy/Royn í ár.
Rógvi Joensen hevur hevur spælt 111 dystir í bestu deildini umframt, at hann hevur umboðað U17, U19 og U21 landsliðini.
Hetta er 7. leikarin, sum fer burturav hópinum hjá TB/FC Suðuroy/Royn, sum spældi í seinnu hálvu í fjør. Tríggir nýggir leikarar eru komnir til.
Tilgongd:
Dennis Nielsen
Milos Budakovic
Isaac Shaze
Frágongd:
Mats Walberg
Anton Holse
David Múller
Jón Krosslá Poulsen
Marius Berntzen
Heri Kjærbo
Rógvi Joensen
