Pensionistar í Klaksvík vitjaðu í dag á matvørubreytini á Tekniska Skúla. Næmingarnir høvdu gjørt smyrjibreyð, fastalávintsbollar og kaffi. Lagið var gott, eisini varð sungið, og onkur tók orðið
Herfyri bjóðaðu næmingar á matvøruútbúgvingini á Tekniska Skúla almenninginum til buffét. Eisini hava barnagarðsbørn og skúlaflokkar vitjað. Í dag vóru tað pensjonistar, ið sluppu at royna seg.
Næmingar á matvørubreytini høvdu gjørt mat og borðreiddu. Matarskráin var smyrjibreyð og fastalávintsbollar við kaffi omaná. Vit frætta, at aðrir gestir sleppa at royna góða matin, tí næmingarnir eru í skúlapraktik.
Tey vitjandi í dag vóru heimabúgvandi pensiónistar, ið plaga at koma saman eitt nú í Smæruni, har ymist er á skránni.
Matvøruútbúgvingin roynir seg við nýggjum leisti. Áður hava næmingar verið á matstovum kring landið í praktik í 10 vikur. Nú royna tey 5 vikur á skúlanum og 5 vikur úti. Tað eru so hesar 5 vikurnar, ið eru fyri nú, og hetta njóta fleiri samfelagsbólkar í Klaksvík gott av.
