Telving – Grand Prix talvkapping nr. 3: Ólavur vann øll síni talv í Grand Prix kappingin

Ósáskúlin var leygardagin karmur um ta triðju Grand Prix talvkappingina í hesum kappingarárinum, og enn einaferð gjørdist Ólavur Simonsen úr Klaksvíkar Talvfelag nr. 1 – og hesa ferðina var hann einsamallur fremstur og enntá við fullum stigatali, 100% úrtøka!

Tað gongur strúkandi hjá Ólavi Simonsen, úr Klaksvíkar Talvfelag í Grand Prix kappingini 2007/08.

Eftir at hava telvað seg til lutaði fyrstapláss í tveimum teim fyrstu kappingunum, gjørdi hann bart í Klaksvík leygardagin, har tann 3. Grand Prix kappingin fór fram í Ósáskúlanum.

Ólavur fekk nevniliga 7 stig av íalt 7 møguligum stigum. Harvið vann hann 3. Grand Prix kappingina sera sannførandi.

Sigurin kom til høldar hóast hermótið varð styrkt nakað í mun til undanfarnar kappingar við m.ø. grand-prix vinnaranum frá 2006, Martini Poulsen, og Torkili Nielsen.

Ólavur liggur hereftir væl fyri í samlaðu kappingini, men enn resta 6 kappingar, so nógv kann henda.

Tað verða 6 tær bestu kappingarnar av 9, sum telja í endastøðuni. So telvarar, ið enn ikki hava sett seg við talvborðið, hava framvegis møguleikan at gera seg galdandi í GP 2007/08.

Næsta kappingin – sum eisini er ein Kvik-talv-kapping – verður í Sandavági 1. desember.

Úrslitið av 3. Grand Prix kappingini 3. november 2007:

GRAND PRIX 2007/08, Klaksvík 3. november 2007

Nr.    Telvari                                       Felag    Stig    GP-stig
                          
1          Ólavur Simonsen                     KTF       7           7
2-3       Torkil Nielsen                           ST      5,5        4,5
            Martin Poulsen                         HT     5,5         4,5
4-5       Rógvi Dragaberg (RVL. 1)        KTF    4,5         2,5
            Rógvi E. Nielsen (RVL. 1)          ST      4,5        2,5
6-8       Finnbjørn Vang                        KTF      4           1
            Bogi E. Hansen (RVL. 2)           KTF      4     
            Vagn Heldarskarð (RVL. 2)       KTF      4     
9-12     Tummas M. Sólsker                  KTF     3,5     
            Herborg Hansen                      KTF      3,5     
            Hjalti T. Jógvansson                  HT     3,5     
            Jón Gregersen                          ST      3,5     
13-15   Jón Andreasen                     Skopun    3     
            Arnbjørn Ó. Dalsgaard              HT       3     
            Høgni Nielsen                            ST       3  
16-18   Margar Berg                              HT       2     
            Einar Gregersen                      KTF       2     
            Signar Simonsen                       HT       2     
19-20   Johan Hentze                           HT       1     
            Heðin Gregersen                      KTF      1     

GRAND PRIX STØÐAN, samanlagt eftir 3 kappingar:
 
GRAND PRIX 2007/08

Nr.    Telvari                       Felag    ÍALT
1      Ólavur Simonsen         KTF     18,3
2      Finnbjørn Vang            KTF     12,3
3      Herluf Hansen              HT        6,3
4-5   Torkil Nielsen                ST       4,5
4-5   Martin Poulsen             HT       4,5
6      Jón Andreasen             HT        4
7-8   Carl Eli N. Samuelsen   VT        3
7-8    Rógvi Dragaberg        KTF       3
9-11  Rógvi E. Nielsen          ST       2,5
9-11  Bogi Hansen               KTF      2,5
9-11  Vagn Heldarskarð      KTF       2,5
12     Terji Petersen            KTF          2
13     Jaspur T. Gaard           HT       0,5