Sunnudagin 11/1 byrjar seinna helvt av liðkappingini í talvi, og í 1. deild verður lokaluppgerð í Klaksvíkar Talvfelag millum oddaliðið Klaksvík 1 og Klaksvík 2, sum í løtuni er næstniðast á stigatalvuni.
Støðan í 1. deild, nú kappingin er hálvrunnin, er henda:
1) Klaksvík 1 13 stig
2) Havnin 1 12 stig
3) Sandavágur 1 11 stig
4) Vestmanna 1 9 stig
5) Klaksvík 2 8 stig
6) Havnin 2 7 stig
Liðini møtast soleiðis sunnudagin kl. 14:00
Havnin 2 – Havnin 1
Sandavágur 1 – Vestmanna 1
Klaksvík 1 – Klaksvík 2
– – –
Í 2. deild hevur Klaksvík 3 eisini heimadyst somu tíð, har liðið fær vitjan av oddaliðnum, Sandavági 2, so teir kunnu vænta sær harða mótstøðu sunnudagin.
Klaksvík 3 er í løtuni næstniðast í 2. deild við 9 stigum.
Støðan í 2. deild:
1) Sandavágur 2 13,5 stig
2) Toftir 12,5 stig
3) Rókur 1 9,5 stig
4) Vestmanna 2 9,5 stig
5) Klaksvík 3 9,0 stig
6) Kollafjørður 2,0 stig
– – –
Í 3. deild A, har Klaksvíkar Talvfelag eisini luttekur við einum liði, Klaksvík 4, hava klaksvíkingar min sann eisini heimadyst. Teir fáa vitjan av skopuningum.
Støðan í 3. deild er, at Vestmanna 3 er á odda við 12,5 stigum, Havnin 3 er næst við 11,5 stigum, Skopun er trið við 8,5 stigum, og Klaksvík 4 er aftast við 7,5 stigum.
Sostatt er talan um botndyst millum Klaksvík 4 og Skopun í 3. deild A sunnudagin kl. 14:00 í Klaksvík.
Líkt er til, at hetta er seinasta umfar í hesi deildini, so tapandi liðið í hesum dystinum endar helst á aftasta plássi.
– – –
Tann fjórða deildin, har Klaksvíkar Talvfelag luttekur, eru unglingadeildin, og har hevur higartil gingið strúkandi hjá felagnum, tí Klaksvík er á odda í hesi kappingini har vinnarin, eins og í 1. deild, verður kosin føroyameistari.
Støðan í unglingadeildini:
1) Klaksvík 13,0 stig
2) Havnin 9,0 stig
3) Sandavágur 6,5 stig
4) Vestmanna 5,5 stig
5) Rókur 4,0 stig
Sætta og trið seinasta umfar í unglingadeildini varð sambært skránni spælt 7/1-09 kl. 18:00, har oddadystur var millum Havnina og Klaksvík í Havn.
Vit hava í skrivandi løtu ikki úrslitið frá tí dystinum.
