Í mong ár hevur Christianskirkjan verið ramman um stórar jólakonsertir, og í so máta er árið í ár einki undantak. Umframt Kl. Hornorkestur og gospelbólkin Gleði, fara vit eisini at hoyra tey bæði Pætur við Keldu og Eivør Pállsdóttir
Klaksvíkar Hornorkestur hevur staðið fyri jólakonsertini síðani 1965. Reyði tráðurin gjøgnum øll tiltøkini hevur verið sokallaður "traditionellur" jólatónleikur sum fólk ynskja at hoyra tá høgtíðin nærkast, og í so máta verður konsertin í ár einki undantak.
Vit vóru í Christianskirkjuni í kvøld tá m.a. sangkórið Gleði úr KFUM vandi.
Árliga jólakonsertin verður í Christianskirkjuni í annakvøld, týskvøldið, kl. 19.30.
