Mjølnir leikarin er valdur til besta leikaran í kappingini hetta kappingarárið.
FBF skrivar soleiðis:
Á gallaveitslu í Havn, sum Flogbóltsfelagið Fleyr skipar fyri, er júst avdúkað at Anja S. Danielsen, Fleyr, og Thorvald Danielsen, Mjølnir, gjørdist ársins leikarar í 2017/18 í flogbóltinum.
Magnus Tausen hevur júst avdúkað hetta á veitsluni, og hevur henda teimum heiðursplátu.
Anja S. Danielsen hevur spælt sum kantáleypari hjá Fleyr, og hevur havt stóran lut í FM- og Steypaheitinum hjá felagnum í ár.
Thorvald Danielsen hevur spælt sum hevari hjá Mjølnir, og hevur verið við til at borið Mjølnir fram á fremstu rók í ár. Thorvald gjørdist skaddur miðskeiðis í kappingarárinum, og hevur ikki leikt við Mjølni aftur fyrr seinast í kappingarárinum, og hetta var júst tað sum manglaði, fyri at fáa Mjølnir í FM-finalurnar, har teir vunnu silvur.
Vit ynskja Thorvald og øllum hinum vinnarunum til lukku við heiðrinum. Sí myndirnar niðanfyri
