Henry greiðir í stuttum frá orsøkini fyri, at hann skiftur felag.
Henry Heinesen hevur í kvøld gjørt sáttmála við ÍF. Eitt skiftið, sum helst kom sera óvæntað á tey flestu.
27 ára gamli Henry Heinesen hevur í kvøld gjørt sáttmála við ÍF. Henry sigur í stuttari viðmerking við Norðlýsið, at orsøkin fyri at hann skiftur felag er, at hann vil royna okkurt nýtt.
Henry kom á besta liðið hjá KÍ í 2010, tá liðið spældi í næstbestu deildini og hevur verið partur av liðnum síðani tá. Í ár var hann fyri tað mesta í uppstillingini hjá KÍ antin sum høgri bakkur ella høgri vongur. Henry skoraði í ár 4 mál, harav 3 vóru uppá brotsspørk, og legði upp til 4 mál í 1580 minuttum.
