Borgarstjóri Kazutaka Sangen og fylgi hansara úr Taiji vitjaðu í Klaksvík, har teir fingu rundvísing á Føroya Bjór og á nýggju smoltstøðini hjá Bakkafrosti á Strond. Um kvøldið var døgurði fyri gestunum, limunum í Klaksvíkar býráð og øðrum gestum, og tá varð avtalan um vinarbýarsamstarv undirskrivað. 

Avtalan millum Klaksvík og Taiji fevnir um eitt vinarbýarsamstarv, har partarnir báðir, við útgangsstøði í felags áhugamálum, ynskja at samstarv um ymisk mál innan eitt nú vinnu, mentan og útbúgving.

Japanska ferðalagið byrjar ferðina heim til Taiji úr Vágum í dag.