Høgni: - Mín størsta løta sum skipari
Høgni Vest er stoltur, tá vit hittu hann í kvøld umborð á norska seismikskipinum Geo Caribbean
Norðlýsið er farið umborð á Geo Caribbean at fáa eitt prát við klaksvíkingin Høgna Vest, sum er skipari umborð. Høgni hevur verið skipari við seismikskipum í 10 ár, men kvøldið í kvøld er serstakt fyri hann.
- At sigla eitt so stórt skip inn til bryggju í mínum heimbýi er tað størsta eg havi uppliva í mini tíð sum skipari, sigur Høgni
Høgni upplýsir at teir eru tveir føroyingar við, Jóan Magnus Johannesen, sum eisini er úr Klaksvík. Manning telur umleið 50 og tjóðskapirnir eru úr øllum heiminum, sigur Høgni Vest.
Skipið er stórt og teir eru umborð 6 vikur og heima í 6 vikur. Sum myndirnar niðanfyri vísa hevur skipið m.a. fitnessrúm, sauna og kykmyndahøll.
- Skipið kostar áleið 800 mió norskar krónur og hevur útgerð umborð fyri aðrar 800 mío norskar krónur, skipið stingur 7 metur, so vit klára heilt inn her at liggja, sigur Høgni
Í kvøld hevur hann boði offiserunum heim til sín uppi á Geilini, til eitt gott føroyskt borðhald. Teir fara avstað í morgin.