KÍ venjarin Mikkjal K. Thomassen segði undan dagsins venjing, at Jóannes Bjartalíð neyvan verður klárur at spæla frá byrjan. Predrag Pocuca hevur ikki fingið arbeiðs- og uppihaldsloyvið, so mest sannlíkt verður hann ikki við. Ólavur Niclassen mátti gevast í dagsins venjing vegna búkilsku, og er av tí sama ivasamur til dystin. Hinvegin er líkt til, at Deni Pavlovic verður klárur eftir skaða sum gjørdi, at hann ikki spældi størsta partin av seinna hálvleiki seinast. Deni fullførdi dagsins venjing.

Í mun til hópin móti Birkirkara á útivølli, so eru Hjalgrím Elttør og Kristoffur Jakobsen við hesaferð, meðan Mikkjal á Bergi og Aksel B. Danielsen ikki eru við.