Landsapotekarin noktar fyri innlitið í nýtsluna av evnafrøðiligum evnum í Hvannasundi
Norðlýsið fekk tøl yvir nýtsluna av evnafrøðiligum evnum í brúkt verða í samband við avlúsing av laksi í Alibrúkum. Men hummarastovurin í Hvannasundi er næstan avoyddur og tí ynsktu vit at fáa innlit í hvussu nógv evnafrøðilig evnir alibrúki undir Leitinum og í øðrum økjum kring landið hava brúkt. Men Landsapotekarin vil ikki geva almenninginum innlit, tí sambært Starvsstovuni eru upplýsingar um útflýggjan av heilivági til vinnufyritøkur viðkvæmir, og hava stóran fíggjarligan týdning fyri fyritøkuna, at hesir upplýsingar ikki verða almannakunngjørdir.
Norðlýsið fekk tøl yvir nýtsluna av evnafrøðiligum evnum í brúkt verða í samband við avlúsing av laksi í Alibrúkum. Men hummarastovurin í Hvannasundi er næstan avoyddur og tí ynsktu vit at fáa innlit í hvussu nógv evnafrøðilig evnir alibrúki undir Leitinum og í øðrum økjum kring landið hava brúkt. Men Landsapotekarin vil ikki geva almenninginum innlit, tí sambært Starvsstovuni eru upplýsingar um útflýggjan av heilivági til vinnufyritøkur viðkvæmir, og sum tað hevur stóran fíggjarligan týdning fyri fyritøkuna, at hesir upplýsingar ikki verða almannakunngjørdir.
Svar frá Heilsufrøðiligu Starvsstovuni:
Undirritaði skal vátta at hava móttikið fyrispurning tygara um útgreinaði hagtøl til føroysku alivinnuna.
Avgjørt er ikki at geva innlit í upplýsingar um hvønn heilivág og hvussu nógvan heilivág hvørt einstakt alibrúk í Føroyum hevur fingið útflýggjað.
Avgerðin er tikin við støði í løgtingslóg nr. 133 frá 10. juni 1993 um innlit í fyrisitingina, sum broytt við løgtingslóg nr. 76 frá 8. mai 2001.
Rættarkrav hevst ikki uppá upplýsingarnar eftir § 5 stk. 2 í innlitslógini.
Upplýsingar, sum innlit verður biðið um eru ikki fevndir av § 4, stk. 1 1. pkt í innlitslógini við tað at talan ikki er um skjøl, sum hava samband við eina fyrisitingarliga saksviðgerð. Eisini er avgjørt ikki at veita meirinnlit eftir lógarinnar § 4 stk. 1 2. pkt.
Okkara áskoðan er, at umbønin um skjalainnlit fevnir um skjøl sum eru umfataði av § 12 stk. 1 nr. 2. í innlitslógini við tað, at upplýsingar um útflýggjan av heilivági til vinnufyritøkur eru viðkvæmir upplýsingar um heilsulig og vinnulig viðurskifti, sum tað hevur stóran fíggjarligan týdning fyri fyritøkuna, at hesir upplýsingar ikki verða almannakunngjørdir. Skjølini, sum innlit verður biðið um, eru tí umfataði av hugtøkunum ”tøkniligar útbúningar ella mannagongdir, ella um rakstrar- ella vinnuviðurskifti ella líknandi um so er, at tað hevur stóran fíggjarligan týdning fyri tann persónin ella virkið, sum upplýsingin viðvíkir, at áheitanin ikki verður gingin á møti”.
Til ber at kæra hesa avgerð til Heilsu– og Innlendismálaráðið skrivliga og innan 14 dagar frá móttøku av hesum skrivi.
Vinarliga
Kjartan Mohr