Eftir drúgt áramál sum eigari og stjóri ynskti Oliver at minka um arbeiðsbyrðuna og hevur í kvøld selt fjølmiðilin. Jóhann Lützen verður nýggjur høvuðseigari og nýggjur stjóri ímeðan Oliver heldur fram sum blaðstjóri.

Eftir drúgt áramál sum eigari og stjóri hevur Oliver Joensen valt at minka um arbeiðsbyrðuna við at selja Norðlýsið. Í kvøld vórðu skjølini undirskrivaði.

– Eg havi verið partur av Norðlýsinum í 40 ár og tíðin er nú komin at loyva yngri kreftum framat. Eg fari tó framhaldandi at verða partur av redaktiónini sum blaðstjóri, sigur Oliver Joensen.

Nýggju eigararnir eru Jóhann Lützen, Jóannes Skorheim og Palli Skorheim.

- Hetta er ein veldiga spennandi avbjóðing, sum eg gleði meg at fara í gongd við. Norðlýsið er ein mentanarberi her norðuri og eg fari at gera mítt til at tryggjað at Norðlýsið framhaldandi verður ein savnandi snúðningsmiðil har fólk, virkir, stovnar, politikarar, áhugafeløg, frítíðarfelagsskapir og onnur kunnu leita sær fram boðskapir og eisini kunngerða sínar boðskapir, sigur Jóhann Lützen

- Av tí at Torradagar eru í hesum døgum og skoðbráði gjørdist nakað stutt hava vit valt at hava móttøku komandi fríggjadag.

Í hesum sambandi verður móttøka á Rygsvegi 3, har Norðlýsið heldur til, fríggjadagin 24. februar kl . 15 - 17. Øll eru vælkomin.

Í samband við eigaraskifti kemur eitt serblað fríggjadagin í komandi viku. Deadline er týsdagin kl. 17.