Stjórin í KVF sekkjaði formannin í eftirmetingarnevndini
Øssur Wintereig, sum hevur drúgvar royndir sum sjournalistur, m.a. í Kringvarp Føroya, varð uppringdur av Johnny í Grótinum, stjóra í Kringvarp Føroya, og spurdur um hann vildi standa á odda fyri arbeiðinum at eftirmeta sendingarnar, sum Kringvarp Føroya hevur framleitt, um sokallaða skattamálið hjá Eik.
Øssur Wintereig, sum hevur drúgvar royndir sum sjournalistur, m.a. í Kringvarp Føroya, varð uppringdur av Johnny í Grótinum, stjóra í Kringvarp Føroya, og spurdur um hann vildi standa á odda fyri arbeiðinum at eftirmeta sendingarnar, sum Kringvarp Føroya hevur framleitt, um sokallaða skattamálið hjá Eik.
- Stjórin í KVF spurdi um eg kundi samskipað arbeiði og eg helt at hetta var ein spennandi avbjóðing og tók av.
- Síðani var ein bólkur settur, sum var mannaður av Rógva Olafson, Brynhild Thomsen og Beinta á Løve, sum øll starvast í tíðindadeildini hjá Kringvarp Føroya.
- Telefonsamrøðan við stjóran var seinasta fríggjadag og boðað var til fundar mánamorgunin. Á fundinum gjørdi stjórin í Kringvarp Føroya greitt hvørjar linjur hann ynskti at bólkurin skuldi arbeiða eftir.
- Mánakvøldi verið eg so uppringdur av stjóranum, har hann ger greitt at eg ikki longur eri partur av eftirmetingarbólkinum. Eg fekk onga grundgeving og eg veit sostatt ikki hví henda avgerðin er tikin. Men tað er ikki sørt at eg havi eina løgna kenslu nú eg var settur í starv fríggjadag og sagdur úr starvið mánadag, sigur Øssur Wintereig í stuttari viðmerking.