Kringvarpið skrivar á heimasíðu sínari kvf.fo:

Fiskimálaráðið skal hava meira pengar at reka ráðið fyri. Ráðið hevur biðið um 600.000 krónur í eykajáttan, sum skal viðgerast í løgtinginum týsdagin.

Fleiri orsøkir eru til, at ráðnum vantar pengar. Millum annað skal ráðið flyta út í Tinganes, og hetta elvir til eykaútreiðslur. 

Og so kosta menningarkvoturnar eisini ráðnum eyka pengar, og haraftrat má Fiskimálaráðið hava meira pengar, tí ráðið hevur øktar útreiðslur til advokathjálp.

Pengar skulu millum annað brúkast til rættarhjálp.

Eykajáttanin til viðgerðar

Játtanin til Fiskimálaráið er í ár slakar 15,2 mió krónur.

Løgtingið skal sum nevnt viðgera umbønirnar um eykajáttan á tingfundi nú týsdagin.