Eftir 15 umfør eru heili 19 stig á muni millum hesi liðini. Men hóast tað, so er hetta ein av torførastu dystunum, sum KÍ hevur eftir í landskappingini og verandi meistarar hava fingið betri úrslit síðstu tíðina og eru á veg fram. Hetta er síðsti dystur áðrenn landskappingin fer í summarfrí hjá hesum liðum. Hjá Víkingi er Bergur Gregersen skaddur, meðan Mads Boe Mikkelsen, Dávid B. Andreasen og Jonn Johannessen eru ivamálini hjá KÍ vegna snuddir.

Dysturin í Norðragøtu byrjar kl. 19.00. Dómari verður Jákup Ø. Mohr.