Atli Gregersen var saman við Lars Olsen á tíðindafundinum í dag. Atli var ávegis til venjing og møtti upp í húgvu. Tað fekk fjølmiðlarnar í Aserbadjan at seta spurnartekin við hansara heilsustøðu.

- Tú sært eitt sindur móður út, tú hevur nógv klæðir á tær, er tað so kalt í Aserbadjan, ella ert tú sjúkur? var m.a. spurt. Og seinni segði ein annar, at kenslurnar sum Atli vísti var, at hann var nervøsur og stressaður.

Atli Gregersen svaraði soleiðis á tíðindafundinum.

- Hatta er løgnasti spurningur, sum eg nakrantíð havi fingið. Eg eri ikki illa fyri. Eg eri klárur til í morgin. Tit skulu bara bíða og síggja. Hatta er ikki ein fólkaligur spurningur, tí eg haldi, at eg eri vakrasti maður í heiminum, segði Atli Gergersen við einum smíli.