Lýsing
Lýsing
Nú er lágtrýstið farið eystur um Føroyar. Í morgin fara vit at liggja undir einum hátrýstryggi, meðan vit bíða eftir næsta lágtrýstinum. Tað fer tó nakað longur norður enn tað, sum hevur verið um okkara leiðir í dag.
|
Mynd: www.dmi.dk
Minkandi vindur í nátt
Tað hevur verið nógvur vindur í dag. Vindmátarin hjá Landsverki á Gøtueiði vísti miðalvind á 20 m/s klokkan 14; tá vóru hvirlurnar uppi á 30 m/s – t.e. 1½ ferð miðalvindin.
Í kvøld er minni vindur, og tað er turt mestsum allasteðs.
Vindur fer at minka meir í kvøld og í nátt. Í morgin ári, tá ið fólk fara til arbeiðis, er vindferðin komin niður í 8 til 12 m/s av somu ætt sum í kvøld, útnyrðingi.
Hetta kalda luftrákið fer at halda á allan morgin. Í annaðkvøld er ætlandi mestsum stilli.
Um midnáttarleitið í annaðkvøld er liðugt við høgættini á hesum sinni. Tá kemur útsynningur aftur og lýggjari veður.
Seinastu tíðindini