Lýsing
Lýsing
12 skip fiskaðu menningarkvotur í fjør, teirra millum var Tummas T. | Mynd: kvf.fo

Menningarkvoturnar higartil kostað samfelagnum yvir 200 mió. krónur

SKRIVAÐ: Jóhann Lützen  |  08.01.2019 - 10:50 Leiðarin Politikkur Vinna

Kringvarpið hevur roknað seg fram til at 83% av menningarkvotunum vórðu ikki fiskaðar í 2018. Norðlýsið hevur tosað við fólk, sum hava við virðisøking á landi at gera. Sagt verður at útflutingsvirðið á hesum nøgdum er umleið 200 mió. krónur

Stórur partur av menningarkvotunum í 2018 vórðu ikki fiskaðar. Hesin fiskur varð tikin frá verandi aktørum og latin til nýggjar aktørar, tí hetta skuldi verða samfelagnum at gagni segði landsstýri.

Kringvarpið skrivar at sambært vektarseðlunum hjá Vørn, lupu 3.641 tons av makreli, 3.015 tons av norðhavssild og 41.562 tons av svartkjafti í menningarkvotum av í fjør - tilsamans 83 %. 

Miðalprísurin á hesum fiskasløgum er 8,25 krónur fyri makrel, 3,00 krónur fyri sild og 1,85 krónur fyri svartkjaft

Samlaða avreiðingarvirðið, ið sostatt er mist er umleið 116 mió. krónur.

Norðlýsið hevur tosað við fólk, sum hava við virðisøking á landi at gera. Sagt verður at útflutningsvirðið á hesum nøgdum er umleið 200 mió. krónur. Henda risa upphædd sær altso út at verða gloppin Føroya landi av hendi. 200 mió. krónur, ið sjálvsagt høvdu gjørt sínar ringar í vatni. 

 

Munur á óbrúktum?

Hetta er sjálvsagt treyta av at fiskurin ikki verður fiskaður. Røddir eru nú frammi at flyta óbrúktar menningarkvotur í 2018 til 2019. Hetta verður neyvan veruleiki um vit hyggja eftir umsitingarsiðvenjuni við óbrúktum fiskidøgum. Har ber ikki til at flyta yvir um ár - livst so spyrst. 

Verða menningarkvoturnar fiskaðar, so koma pengarnir inn. Men í øllum førum er henda upphædd mist í teimum økjum, ið ikki hava atgongd til menningarkvoturnar. Mist í lønum til fólk í hesum økjum. 

 

Lýsing
Seinastu tíðindini
Bústaðir ... til havnar­fólk?
Stroyming: Týskvøldskapping í Klaksvíkar…
Gekk væl hjá Ægir
Nú kunnu allar okkara persónsupplýs­ingar…
Beinleiðis vínsmakking online fyri øll,…
Ovurstórur tørvur er á fleiri námsfrøðin…
Hjálp okkum at finna atkomuligar matstov…
Lands­stýris­maðu­rin svarar fyrispurningi…
Telving á Norð­oyastevnu
Klaksvíkar Dartfelag á Norð­oyastevnu
Norð­oyastevnublaðið kemur fríggja­dagin
Norðoya Javnaðar­felag aðalfund
Virtual FIshExpo - vit siktaðu høgt, men…
Sjáldsamur gestur á Vágni
Færøerne findes faktisk, Mette!
Broyting í innsavning­ini hjá IRF
Løgreglan ger ikki meira við málið um sk…
Kvikk afturkomin undan Íslandi
Franskur trolari landar til Kósina
KÍ gav AB bank á Argjum