AB og KÍ spældu á Tórsvølli, har AB vann 4-3. Tað kundi verið størri sigur, tí AB hevði stórar møguleikar at skora fleiri mál, tí AB brendi brotsspark, og einaferð bjargaði AB leikari skotið frá viðleikara, sum hevði kós móti málinum. 

AB tykist hava tikið stór framstig síðani kappingarárið í fjør og við sera ágangandi spæli og leikarum, sum tykjast vera sera væl fyri, so var tað AB, sum í stóran mun stýrdi dystinum og vann uppiborið. Hjá KÍ vísir álopsleikarin Patrik Johannesen gott máltev í venjingardystinum og hann skoraði tvey av dagsins KÍ málum. Hitt málið skoraði Darius Lewis. KÍ kann fegnast um, at enn eru tríggjar vikur til kappingarbyrjan, tí útfrá dagsins dysti er nógv eftir at fáa uppá pláss, um KÍ skal kappast í toppinum í ár. 

KÍ: Meinhardt P. Joensen - Jóannes K. Danielsen, Jesper Brinck, Børge Petersen, Ísak Simonsen - Darius Lewis, Takuya Matsunaga, Jákup B. Andreasen, Boris Dosljak - Torbjørn Grytten, Patrik Johannesen. Í seinna hálvleiki gjørdi KÍ nógvar útskiftingar, har nærum bara 1.deildarleikarar komu á vøllin vegna nógvar skaðar kring Betri hópin.