Lýsing
Lýsing

Michelin stjørnur lutaðar: Fær KOKS eina aftrat?

SKRIVAÐ: Jóhann Lützen  |  18.02.2019 - 11:44 Kykmynd Mentan Tíðindi

Norðlýsið er í Århus í kvøld, tá greitt verður hvørjar matstovur í Norðurlondum fáa Michelin stjørnu í 2019. Vit hava spurt Gutta Winther um útlitini fyri stjørnum til føroysku matstovurnar.

Samrøða við Gutta Winther upptikin í morgun 

Talan var um satt bragd tá KOKS í 2017, sum hin fyrsta og einasta føroyskan matsovan nakrantíð varð nevnd í sonevndu Michelin-guide og fekk eina stjørnu. 

Heiðurin hevur veruliga sett føroyska matstovuvinnu á breddan og mong eru, ið velja Føroyar sum ferðaland, júst fyri at vitja matstovuna, sum nú heldur til Frammi við Gjónna.


Væntar at KOKS varðveitir stjørnuna

Norðlýsið hevur í sambandi við handanina í kvøld spurt Gutta Winther, sum flest øll kenna frá sjónvarpsrøðini Spískamarið, um møguleikarnar fyri stjørnum til føroysku matstovurnar í kvøld.

Gutti Winther væntar, at KOKS hevur góðan kjans at varðveita sterku støðuna innan matstovur í Norðurlondum og at matstovan aftur í kvøld verður heiðrað við einari Michelin-stjørnu.

Spennandi verður eisini at síggja um frálíka matstovan Søllerød Kro hjá Jan Restorff megnar at vinna seg uppá tvær stjørnur í kvøld, sigur Gutti.

Í Danmark er serligur áhugi fyri um NOMA loksins fer at fáa tríggjar stjørnur frá Michelin, nú matstovan er latin upp aftur í nýggjum hølum á Christiania, sum Glasir-arkitekurin Bjarke Ingels hevur sniðgivið. 

Tað hevur undrað nógvan matkennara, at NOMA, ið fýra ferðir er kosin heimsins besta matstova ongantíð hevur megnað at fingið allar tríggjar stjørnurnar.  

 

Uttanfyri høvuðstaðin fyri fyrstu ferð

Gutti vísir eisini á, at handanin í kvøld er hin fyrsta, sum verður hildin uttanfyri eina av norðurlendsku høvuðsstøðunum. Århus hevur seinnu árini ment seg, sum eina kulinariska perlu við fleiri framúr góðum matstovum og hevur víst í verki at útjaðarin eisini kann vera við.

Í morgin setir Norðlýsið spurningin um Klaksvík sum fiskivinnuhøvuðsstaður í Føroyum ikki eigur at vera við í kappingini um at hava eina av bestu matstovunum í Norðurlondum.

Fleiri tíðindi verða frá handanini av Michelin stjørnum á Norðlýsið seinni í dag. 

 

 

Lýsing
Seinastu tíðindini
Nýggi bygningu­rin bygdur við rekord ferð
Boris Johnson tapti avgerðandi atkvøðugr…
Hagtøl: KÍ stendur seg betri í Tórshavn…
Helgi lættir um atgongd­ina til spritt
Vælkomin til kaffi  í morgin 23. oktober
Klaksvíkar sjúkra­hús hevur tikið nýtt, d…
Jógvan Páll Lassen í sínum vanliga stíli
Sjálvsagt tryggja vit ognarrættin hjá fø…
KÍ Ársveitsla
Aleksandar Djordjevic ársins venjari í k…
Treysti byrjar innandura­venjingar­nar í m…
Býráðið bjóðar til morgunmat í KÍ-høllin…
- Útbyggingin gevur Fjallafípuni enn bet…
Líðhamar 15.800 pund í dag
Minkandi í kvøld
B36-KÍ verður leygar­dagin kl. 15.00
Dansivetu­rin byrjaður
Smáar vatnmyllur eru vælegnaðar í Føroyu…
Johan Dahl spyr um sjóvegis samferðsluke…
Tøkk