Av Eiði frætta vit, at snellubátarnir fáa nógvan fisk. Ásbjørn Djurhuus, stjóri á Batafisk sigur, at teir tóku ímóti 45.000 pundum leygardagin frá 34 bátum. Bátarnir, sum royna har eru sera høgligir, fiskurin stendur tætt við land.

Besti báturin hevði 2.400 pund leygardagin. Bert ein maður er við teim flestu bátunum.

Tá vit tosaðu við Eiði fyri løtu síðani byrjaðu bátarnir longu at koma inn aftur. Orsøkin er, at hann veksur nú vindin av landnyrðingi.