Sjúkrahúsverkið er hjartaslátturin í vælferðarsamfelagnum og krevur dygga og trygga leiðslu, bæði sentralt og lokalt. Heilsunýskipanin er komin væl áleiðis, ikki minst landsstýriskvinnuni og teimum trimum sjúkrahúsleiðslunum fyri at takka. Men tað krevur eisini røttu leiðslu- og samstarvsevnini at koma á mál við nýskipanini. Og hvør skikkaður umsøkjari fer at søkja eitt stjórastørv á sjúkrahúsunum, um samskiftið við aðalráðið hevur so ringt orð á sær? 

Tí eigur aðalráðið at taka atfinningarnar í størsta álvara – eyðmjúkliga at lurta og læra - og so senda boð eftir fráfarna stjóranum aftur. Tað er tað einasta rætta at gera.