KÍ-venjarin væntar, at B36 er sært og kemur við einum aftursvari 2. páskadag, tá fjórðingsfinalan millum B36 og KÍ verður leikt í Tórshavn. Talan verður um ein ørðvísi og spennandi dyst.

Hjá KÍ-profilinum á facebook er samrøða við KÍ-venjaran Mikkjal K. Thomassen undan fjórðingsfinaluni mánadagin. Hann sigur, at KÍ spældi ein góðan dyst Skírisdag, men var eisini effektivt, og tí var úrslitið kanska betri enn leikgongdin bendi á, tí tað var ein nokkso javnur dystur.

- Eg vænti, at B36 er nokkso sært, og tí kemur eitt aftursvar. Hetta verður ein trupul dystur,  øðrvísi og spennandi dystur. Vit hava fingið tað kanska truplasta lutakastið, sum man kann fáa. Vit ætla okkum víðari, men tað vilja tvey lið, so eg vænti ein javnan og nokkso dramatiskan dyst, sigur Mikkjal K. Thomassen við KÍ-síðuna á facebook.