Lýsing

Larmandi tøgn

SKRIVAÐ: Jógvan Skorheim, floksformaður fyri Sjálvstýri  |  14.05.2019 - 21:43 Tíðindi

Týsdagin í farnu viku bleiv fólkatingsvalið skotið í gongd. Hóast ein heil vika er farin síðani formansumfarið sama kvøld, hevur so at siga eingin umrøða verið í miðlunum, ei heldur hevur nakar almennur fundur, sjónvarpskjak ella útvarpskjak verið á skránni. Tøgnin undirbyggir bara vantandi týdningin av fólkatingsvalinum.

Tað einasta, vit hava sæð, er, at núverandi fólkatingslimir hava roynt at funnið argument fyri sínum lívsgrundarlagi – 4 ár afturat á Christiansborg.

Men argumentini eru mótstríðandi!

Formaðurin í Tjóðveldi segði í formansrunduni, at flokkurin fór ikki at blanda seg upp í danskan politik. Hóast formaðurin meldar soleiðis út, so hevur núverandi fólkatingsmaður so seint sum í januar fráboðað donskum miðlum, at teir fara at peika á tann statsministaran, sum fer at geva teimum “størstuávirkan”.

Hvat er tað nú, Tjóðveldi ætlar at gera? Er tað tað, sum fólkatingsumboðið segði í januar, ella tað, sum formaðurin sigur í mai?

Tað hevði farið mær kalt niðureftir rygginum, um eg skuldi verið vitni til, at eitt danskt fólkatingsumboð skuldi veljast inn í Løgtingið og sloppið at atkvøtt á jøvnum føti við okkum føroyingar.

Vit hava einki at gera á Fólkatingi. Latið danir gera av, hvussu teir innrætta sítt samfelag, og latið okkum gera av, hvussu vit innrætta okkara.

Fleir ferðir hevur Tjóðveldi sagt, at tey sóu helst, at fólkatingsumboðini vórðu avtikin.

Nú hava vit øll møguleikan. Ein atkvøða fyri Sjálvstýri er ein atkvøða fyri, at stólurin á Fólkatingi stendur tómur!

 

Jógvan Skorheim, floksformaður fyri Sjálvstýri

Lýsing
Seinastu tíðindini
Vit mugu virðismeta og raðfesta Strandfe…
Endur­nýtsla ella skilaleyst oyðsl?
Nú eru greitt nær KÍ spældir útsettu lan…
Húsarhalds­skúli Føroya fingið tilsøgn
Laksatorgið fer av bakkastokki í morgin
Føroyagrunnu­rin lýsir eftir umsóknum
Lægri lønarskatt og kappingarføra skatta…
Prince verður avloysara­skip fyri Smyril
Lova 33 hitastig í Luzern hósdagin
Útiguds­tænasta norðuri á Skarði
Smærri flogvøllir
Grund­stykkir í Fløtugerði í Leirvík
Tróndur í Gøtu kemur at liggja eitt knap…
Nýggjur stjóri á Landsverki
Trípartasamstarv um námsfrøði og fleiri…
Eldri hava eisini rætt til serlækna
Fekk sekkin fyri at ‘’tapa’’ móti KÍ
KÍ spælir neyvan lands­kappingardyst koma…
Dystirnir móti Luzern eru lagdir
Kom og takið synd í Fólka­flokkinum