Nýggj penga-app til børn og foreldur
Talgildar loysnir til vaksin, sum lætta um í gerandisdegnum, hava verið á marknaðinum í nøkur ár. Nú er ein líknandi loysn komin til børn. Talan er um appina Lummi, ið gevur børnum og foreldrum teirra eitt einfalt yvirlit yvir uppsparing og peninganýtslu hjá børnum.
Við Lumma ber til hjá børnum og vaksnum at síggja, hvussu peningurin ferðast inn og út av kontuni. Somuleiðis eggjar hetta til eitt gott prát um peninganýtslu yvirhøvur. Tað ber ikki til at gera flytingar við Lumma, men børn kunnu sjálvi fylgja við, tá peningur fer av kontuni og hvussu nógv stendur eftir.
Foreldrini avgera, hvørjar kontur eru knýttar at Lumma. Um tey ikki ynskja, at børn síggja barnauppsparingina, ber hetta til.
Appin fæst við at fylgja vegleiðingini á www.betri.fo/lummi.