Lýsing
Lýsing
Lýsing

At kalla ongin lundi

SKRIVAÐ: Oliver Joensen  |  14.06.2019 - 10:35 Mentan Myndarøð Tíðindi

Eg haldi at vit øll her vesturi eru samd um at í ár er ringasta árið til lunda vit vita um. Millum annað tað, sigur Eddie Lauritsen úr Mykinesi, tá vit spyrja hann um støðuna hjá lundanum her.

Her er sum sagt ongin lundi at síggja, sigur Eddie, visti eg ikki hvussu ein lundi sá út, so hevði eg ikki kunna gjørt mær tað greitt í ár, tí her er heilt einfalt ongin lundi at síggja. So sárur er Eddie um støðuna hjá lundanum. Her hevur verið høgætt og kuldi líka til dagin í dag og eg trúgvi at tað hevur sína ávirkan. Nú boða veðurmenninir frá eysturætt og landsynningi, so møguliga fara vit at síggja lunda aftur her tá. - Tá eg tosi um lundan sum kom úr egginum fyri trimum árum síðani, so er tað tað tí, at lundin kemur vanliga ikki aftur fyrr enn hann er trý ár.

Men tað sum er dapurt eisini er, at ungfuglurin, sum kom úr holunum her fyri trimum árum síðani er heldur ikki at síggja, hvørki á sjónum ella á flogi.

Nógv hevur verið tosað um orsøkina til at fuglurin soleiðis blívur burtur. Millum annað hevur veiðan við stong fingið skuldina. Men eg trúgvi ikki at tað er har trupulleikin skal finnast. Eg ivist onga løtu í, at tað er mangul upp á føði, sum ger at lundin er rýmdur. Eingin veiða hevur verið við stong nú í mong ár og hóast tað, so hevur bara gingið aftur á við lundanum. Vit hava snøgt sagt ongan bata sæð orsakað av friðingunum.

Men vit hava nógva vitjan av fremmandafólki her. Fyri løtu síðani kom ein bólkur upp á 15 kinesarar í land her her er nógvur vindur av landnyrðingi og vátt, so teir hava neyvan fingið nógv burturúr nú heldur eingin lundi er at síggja.

Spurdur um hvussu tiltakið við at lata ferðafólk byggja gøtur var móttikið úti í Mykinesi, svarar Eddie: Hatta var nakað tvætl at koma við her í oynna. Tó skal sigast at eg haldi at tiltakið úti í Trælanípuni, sum ungu fólkini gjørdu eydnaðist væl. Men her lagaðu tey nakrar steinar fram við gøtuni, ið var áðrenn tey komu. Eg kann gott siga, at tað arbeiði tey gjørdu her gjørdi ongan mun og enn liggur meginparturin av pengunum, í Havn og úti í heimi, sum ferðavinnan í Mykinesi gevur.

Lýsing
Seinastu tíðindini
Ein miðbýur í rúkandi menning
Fleiri íbúðir ávegis í Klaksvík
Søgan um Merle Haggard (7:9)
Søkt verður eftir tveimum starvs­fólkum t…
Gøtan út á Nes liðug
Annika Lindenskov vald í altjóða oyggjal…
Brot frá 2-1 sigrinum í Finlandi
Mjølnir aftur til Hollands
Badminton vann silvur í liðkapping­ini
Runnu seg til fleiri heiðursmekir
Thorvald: Hesum vilja vit helst møta
Borgar­stjóraheilsan: Her er gott at vera
Fuglalív í Haraldssundi
Stevna hjá Jehova vitnum
Stenberg hitt Zelenskyy í Kyiv
KÍ v SJK: Ung og eldri farin í sving
Azamara Quest á Norð­havn­ina
Lutakastið til Challenge Cup í morgin
RSP á Norð Festivali­num 30. aug!
Bjóða nú campingvog­num á Summar Festival