Lýsing
Lýsing
Lýsing

Vakthundurin vann á Útinnandi valdinum

SKRIVAÐ: Jóhann Lützen  |  10.07.2019 - 20:22 Leiðarin Mentan Tíðindi Vinna

Fjølmiðlakærunevndin er nú liðugt at viðgera kæruna frá Fiskimálaráðnum um tíðindaflutningin hjá Norðlýsinum, og niðurstøðan er, at Norðlýsið onki hevur gjørt, sum var vert eina átalu frá nevndini. Onkrar atfinningar eru tó um nýtsluna av orðinum “heimildarloysi”, men nevndin vísir á, at Norðlýsið útgreinar, hvat tað meinar við.

Tað var annars ikki við mýkindum, at Fiskimálaráðið kærdi. Í kæruni stendur beinleiðis “Um talan verður um revsimál, er ikki óhugsandi at tílíkur fjølmiðlaatburður er fevndur av §268 í revsilógini”, og §268 er ein lógargrein um útspilling við 2-ára revsirammu. Men nú Fjølmiðlakærunevndin ikki metir hetta vera nóg mikið til eina átalu, er sera ivasamt um Føroya Rættur hevði gjørt nakað við málið. Men tann møguleikin er framvegis opin fyri Fiskimálaráðið at royna, um tað vil.

Fyri Norðlýsið og ta føroysku pressuna er hetta ein lítil sigur, tí við hesum er greitt, at eitt óneyvt orðaval ikki er grundarlag fyri at geva átalu, tá tað greitt framgongur av samanhanginum, hvat liggur í orðavalinum.

Vil miðfyrisitingin sleppa undan journalistikki av líknandi slagi framyvir, kundi hon hóskandi sent føroysku fjølmiðlunum eitt yvirlit yvir, júst hvørjar óskrivaðar heimildir tey ymisku landsstýrisfólkini hava. Hetta kann gerast sum ljóðfíla, um tær framhaldandi skulu vera óskrivaðar.

Lýsing
Seinastu tíðindini
Nýggjur kommunu­stjóri í Fuglafjarðar kom…
Tunlarnir norður um fjall eiga tørn
Javnseting av kynunum
Royndu nýggja leikskipan
Tunlarnir norður um Fjall standa fremst!
Kappróður á Norð­oyastevnu
Sniðálop á festarar og festis­skipanina
J. &. K. Petersen: 1. byggistig avhendað…
Arbeiðsvanlukka kravt eitt mannalív
Starvs­fólk á eldraøki­num kannað fyri COV…
Føroya Bjór Renningin verður á Norðoyast…
Voxbotn flutt til 5. september 2020
Summar­festivalu­rin: Útmelding ávegis
Ljós yvir Hjálparpakka 3
Norðlýsið á gøtuni
Føroyar til sølu!
Hvagar eru vit á veg?
Feskur fiskur við bátabrúgvarnar
KÍ vann 3-0 á EB/­Streym
Vága Floghavn: 20 fólk uppsøgd