Lýsing
Lýsing
Klaksvíkingar tóku Svangaskarð til sín
Nógvir KÍ-áskoðarar møttu upp til dystin á Svangaskarði móti Riteriai.
Talan var um fyrsta heimadystin hjá KÍ á Svangaskarði síðani 2007. 980 áskoðarar sóu dystin sambært KÍ. Av hesum vóru teir allarflestu KÍ-áskoðarar og føroyingar, sum í Europa League eru KÍ-áskoðarar. Stemningurin var góður og kring umstøðurnar sera góðar. M.a. høvdu fleiri fjølmiðlafólk tað á orði, at umstøðurnar til fjølmiðlar kanska aldrin hava verið betri til ein dyst í Føroyum - A-landsdystir íroknað - sum hesaferð. Eitt kvøld á Svangaskarði, sum fer í KÍ-søgubøkurnar serliga fyri, at hetta var fyrstu ferð, at KÍ kemur víðari tvær ferðir sama kappingarár.
KÍ spælir móti Luzern á Svangaskarði hóskvøldið 1. august kl. 18.00.
Seinastu tíðindini