Við einum "Silvabraki" fór Summarfestiválurin í gongd
Um tvey tíðina í dag, byrjaði skrúðgongan við Silva úr Norðoya Sparikassa á odda úti í Klaksvík. Gingið var allan vegin ígjøgnum býin í góðveðrinum. Steðgað var ikki fyrr enn í Silvalandi í Badminton- og KÍ hallunum. Nógv børn og foreldur fylgdu við , har Silvi í silvabilinum var fremstur og Trøllapætur við fylgi eisini undirhildu.
Ikki kann sigast annað, enn at Norðoya Sparikassi hevur gjørt sera nógv burturúr Silvalandinum. Báðar ítróttarhallirnar verða brúktar, og tær eru stappaðar við øllum møguligum til undirhalds fyri børnini. Møguleikar eru eisini hjá foreldrum, ið fylgja børnum, at seta seg niður og njóta eitthvørt drekkandi, svalandi ella undir góman.
Sigast kann, at fyrsta tiltakið á Summarfestiválinum gleið væl niðurum hjá okkum, sum fylgdu. Her nakrar, ella nógvar, myndir: