Og røtur og rótaløg og fyrsta feska kjøtið úr Stóru Dímun. Skinkur av Trøllanesi og Múlaostur. Serbryggj frá Føroya Bjór. Føroya Banka dagar Heima í Havn. Vit mugu vóna at hóast stórar veðurlagsbroytingar hjá okkum so fara vit framyvir at fáa ræst og turt kjøt. Men her fara tíðanverri broytingar at koma sum árini líða og tad verdur ivasamt um vit framhaldandi kunnu ræsa og turka av tí at heystini verða ov lýggj.

 Hetta er tíðin sum okkara brøður í Islandi kalla Dagar Myrkurs, ein góð tíð, heystið og grøðin sum skal sankast saman til veturin, veitsludagar.

Nú er tíðin eisini til krákuber.Í mun til Islands og Grønlands hava vit ikki stórir berjaheiðar, men vit hava okkara egnu krákuber. Um nøgdin kanska ikki er tann stóra tú fær, so er tað kveikjandi og meditativt at ganga á fjøllunum og á knøðunum liggja og leita og tú gledist um angan og allar tær vøkru blómur vit hava. Tað er heilt fitt av fólki sum á hvørjum ári fara við børnunum at leita og so eta fongin við eitt sindur av sukri afturvið, hetta er mennandi fyri eina barnasál.

Um hugurin er til at gera snapsar úr føroysku náttúruni so eru krákuber sera vælegnaði. Tú fær kanska uppí eina lítla fløsku sum tú síðani letur Einars Vodka yvir og so letur standa i myrkri alt heystið.

Lat standa til Tollaksmessudag og hevur tú tá ein rubinreydan, fínan og aromatiskan snaps. Njót hann í skýmingini áðrenn føroyska gásin kemur á borði. Delikati smakkurin gevur tær eitt flash back aftur til fjøllini í August og tú fer beinanvegin at leingjast aftur eftir føroyska summarinum.