Á Sjómannadegnu í 2013, var Ásgerð Rakulardóttir við til vatnkríggj og at kasta fløskupostar. Ásgerð var bara 6 ára gomul tá og er í dag 11 ár.

Tað var Knut Kjelbotn í Noregi, sum fann seks ára gamla fløskupostin.

Familjan hevur síðani verið í samband við norðmannin og í telduposti skrivar hann nakað soleiðis:

Eg eiti Knut Arne Kjelbotn og eri 64 ára gamalur. Eg búgvi við Namsos. Eg arbeiði við at koyra lastbil, anleggsmaskinur og so eri eg eisini við í spreingiarbeiði.

Fløskuposturin bleiv funnin í juli í ár á nøkrum oyggjum, ið kallast Steinan. Tær liggja uttan fyri nakrar størri oyggjar, su kallast Jøa og Otterøya, sum eru á leið mitt í Noregi. (Síðani gevur hann positiónir upp .red)

Eitt lítið hús er á oynni og har eru vit vanliga einar 7-10 dagar í feriuni. fløskan bleiv funnin tá eg skudi rudda eitt sindur upp á oynni. Grasið var grógvið yvir fløskuna, so er føldi at eg togaði í eitthvørt, og tað var fløskan. Hon hevur helst ligið har í nøkur ár. Hon hevur eisini havt eina langa ferð áðrenn hon kom higar. Men tað er óføra stuttligt at finna eina sovorna, og ikki minst at finna tann, sum sendið fløskupostin og at koma í samband við sendaran.

Vinarlig Heilsan

Knut Kjelbotn