Pláss í finaluni um løgmanssteypið stendur uppá spæl, tá besta heimaliðið í ár fær vitjan av KÍ.

NSÍ hevur vunnið allar sínar sjey heimadystir í ár og fulla úrtøku á heimavølli hevur einki annað lið. Hetta er fyrstu ferð, at NSÍ og KÍ møtast í Runavík í ár. Í Klaksvík áttu liðini hvør sín dyst. Í 1-1 dystinum í landskappingini var NSÍ betra liðið, meðan KÍ var betra liðið í 4-2 sigrinum í fyrru hálvfinaluni.

Dysturin mikukvøldið byrjar kl. 18.30.