Sylvia Thomsen, býráðslimur í Klaksvíkar kommunu, luttók á vitjanini og umboðaði kommununa í staðin fyri Karl Johansen, borgarstjóra.

Sambært fyrireikarunum hevði vitjanin til endamáls at geva altjóða gestunum innlit í arbeiðið hjá Shalva, sum arbeiðir við tænastum og virksemi til fólk við serligum tørvi og familjur teirra.

Í fráboðan eftir vitjanina varð dentur lagdur á, at talan var um ein serligan dag, har gestir úr fleiri heimslutum fingu høvi at síggja arbeiðið á deplinum og hitta fólkini aftanfyri virksemið.

Føroyska umboðanin var partur av einum altjóða fylgi við luttakarum úr Evropa, Norður- og Suðuramerika umframt Miðamerika.