Tropiska ódnin Dorian er eystan fyri Florida í dag, og hon er ávegis norðureftir.

Fríggjadagin er hon ætlandi komin norður til leiðina eystan fyri New York. Tá fer køld luft úr Norðurkanada at blanda seg uppí alla ta heitu luftina, og so er ódnin ikki tropisk meir, men ístaðin eitt vanligt lágtrýst, sum vanliga tekur seg upp á júst somu leiðum og ferðast ímóti Føroyum.

Hetta ”nýggja” lágtrýstið fer at ferðast ímóti Føroyum, halda veðurfrøðingar.

Sum viðurskiftini eru í lufthavinum í løtuni, so verður tað týsdagin, at vit fara at merkja lágtrýstið, sum byrjaði sum ein tropisk ódn.

Tað verður ikki so ringt veður, tá ið tað er her hjá okkum. Vindferðin verður ætlandi 10 til 10 m/s úr suðuri, og tað fer at regna heilt fitt.

At tosa um veðrið, hvussu tað fer at verða um 6 dagar, ja, tað ið hvussu so er ógvuliga stór óvissa í einari slíkari forsøgn.