Lýsing
Lýsing

Neyðhjálp til Bahamas

SKRIVAÐ: Reyði Krossur Føroyar  |  05.09.2019 - 17:15 Tíðindaskriv

Ódnin Dorian hevur herjað Bahamas oyggjarnar í tvey samdøgur og oyðileggingarnar eru sera umfatandi.

Fyrstu metingarnar staðfesta at oyggjarnar Abaco og Grand Bahamas hava verið fyri serliga stórum oyðileggingum, og mett verður at umleið 76.000 fólk – sum er meginparturin av íbúgvunum á oyggjunum – eru ávirkaði av Dorian.

Sambært Altjóða Reyða Krossi, er tað avgerðandi at bera skjótt at, fyri at bjarga lívum og veita neyðugu hjálpina. Tí stóð tilbúgvingin hjá Reyða Krossi til reiðar at seta inn, so skjótt sum tað var møguligt
.
Reyði Krossur metir, at tørvur er á 3,2 mió Swiss francs (uml. 22 mió kr) til neyðhjálpararbeiði. Peningurin skal í høvuðsheitunum fara til at veita skjól til familjur, og at útvega neyðug húsarhaldstól, so sum lampur og telefonir.

Reyði Krossur hevur lagt serligan dent á at veita neyðhjálp til tey veikastu í samfelgnum, harímillum 4,400 børnum og 1,600 eldri fóki.

Starvsfólk og sjálvboðin hjá Reyða Krossi bjóða eisini heitar máltíðir og mat til fólk sum, vegna ódnina, ikki hava fingið eina ordiliga máltíð í fleiri dagar. Hereftir leggir Reyði Krossur seg eftir at geva vanlukkuraktum fólki reiðan pening, soleiðis at tey sjálv kunnu gera av hvat tey hava størstan tørv á.

Harumframt veitir Reyði Krossur hjálp í samband við heilsu og reinføri, sálarligan stuðul, vatn og setir tiltøk í verk sum skulu fyribyrgja at harðskapur, so sum kynsligur ágangur, tekur seg upp.

Reyði Krossur Føroya hevur sent kr. 200.000 til Reyða Kross á staðnum.

Lýsing
Seinastu tíðindini
U15-gentur hjá KÍ vunnu steypakappingina
Líðhamar ongar dagar eftir
Ruddaðu á Borðoyavík
Tí hevur KÍ ikki vunnið steypakapping­ina…
Tey ungu ruddaðu býin
Heilsan: Góðan ruddingardag øll somul
Vælkomin til stórt hátíðarhald 28. septe…
Mentan uttan Gud
Tøkk - Etly
Ummæli: YouYou er meira liðugt
Starvs­fólk­ini á Klaksvíkar Sjúkra­húsið h…
Tað blíðkar fyri hugaðum monnum
Tøkk - Hans Arni Rasmussen
Standmynd av Elinborg Lützen
Epli og Grønmeti í Klaksvík
Nú fáa klaksvík­ingar dómara og linjuverj…
Aftur ein góður dagur á útróðri
Nýggjur fiskahandil á Norðskála
Hetta er dysturin sum kann lumpa KÍ
Gott veður í vikuskiftinum