Lýsing
Lýsing
Lýsing
Mynd: Televarpið (Skýggjamynd)

Hetta er dysturin sum kann lumpa KÍ

SKRIVAÐ: Jákup Ósá  |  20.09.2019 - 11:18 Ítrottur Tíðindi

Á pappírinum er dysturin sunnudagin ein, sum KÍ eigur at vinna. Men søgan og gongdin í ár siga okkum, at hetta eisini kann blíva dysturin, sum lumpar KÍ í endaspurtinum.

AB-KÍ í endaspurtinum. Tá hugsa nokk øll KÍ-viðhaldsfólk tað sama. Dysturin á Argjum í 25. umfarinum í 2016, har AB vann 3-1 móti KÍ. Uppá 8 minuttir í fyrra hálvleiki avgjørdi AB dystin, har KÍ næstan allar hinar minuttirnar var greitt betra liðið. Nevnast kann, at málskjúttarnir hjá AB hendan dagin vóru Dion Splidt og Patrik Johannesen, sum báðir hava umboðað KÍ seinni. Hetta var dysturin, har KÍ misti oddasessin og møguleikan sjálvt at avgera alt. AB lá til niðurflyting og flutti niður, tá kappingin var av. KÍ fekk ongantíð FM-møguleikan aftur. 

 


AB er væl fyri

Í 2019 líkist støðan nakað henni í 2016. Vit eru í 23. umfarinum ístaðin fyri 25. umfarinum og AB flytir ikki niður hesaferð. KÍ hevur enn alt í sínum hondum, hóast liðið liggur nr. 2, tí liðið hevur innanhýsis dyst eftir móti oddaliðnum B36. 35 stig skilja liðini, men tó fær KÍ helst ein truplan dyst. Vit skulu bara aftur til Norðoyastevnu í ár, har AB førdi líka til yvirtíðina fyri síðani at missa alt. KÍ hevur fyrr í ár tapt móti TB.

 

AB hevur fingið stig í fimm av seinastu sjey dystunum:

AB-EB/Streymur 1-1

Skála-AB 0-1

AB-ÍF 3-1

AB-NSÍ 1-5

AB-B36 1-2

TB-AB 0-1

Víkingur-AB 1-1

 


Dysturin á Argjum sunnudagin byrjar kl. 17.00.

Lýsing
Seinastu tíðindini
Fleiri íbúðir ávegis í Klaksvík
Søgan um Merle Haggard (7:9)
Søkt verður eftir tveimum starvs­fólkum t…
Gøtan út á Nes liðug
Annika Lindenskov vald í altjóða oyggjal…
Brot frá 2-1 sigrinum í Finlandi
Mjølnir aftur til Hollands
Badminton vann silvur í liðkapping­ini
Runnu seg til fleiri heiðursmekir
Thorvald: Hesum vilja vit helst møta
Borgar­stjóraheilsan: Her er gott at vera
Fuglalív í Haraldssundi
Stevna hjá Jehova vitnum
Stenberg hitt Zelenskyy í Kyiv
KÍ v SJK: Ung og eldri farin í sving
Azamara Quest á Norð­havn­ina
Lutakastið til Challenge Cup í morgin
RSP á Norð Festivali­num 30. aug!
Bjóða nú campingvog­num á Summar Festival
Stórar útbyggingar í Fuglafirði