Talan er um at gera “grasarmering”, sum merkir at steinar verða lagdir á parkeringsøki til 25 bilar, sum gras skal kunna vaksa upp ígjøgnum.

Tað eru holir í betonsteinunum, sum mold verður pressað niðurí og síðani lagt við grasfræ í.

Steinarnir, sum við tíðini gerast grasvaksnir, tola ein bil á sær, umftamt at lendið gerst vakurt og grønt, heldur enn bert asfalt.

Hetta er bert ein partur av fríðkingararbeiðnum kring Rótina, har eisini skal hampast við ánna, vestanfyri bygningin.

Jú, tað grør um gangandi fót.