Orkestrini høvdu hvør sína konsert. Men so endaði alt í einum felags braki av tí allar besta.

Ein frálík konsert, har øll orkestrini vóru væl fyri – sera væl fyri. Eisini tí tey spæla nógv, eru í góðari venjing og eru væl samanspæld.

Klaksvíkar Hornorkestur hevur júst verið í Bretlandi á konsertferð, so tað gevur sanniliga venjing!

Tað var hugaligt at síggja Alex Sólstein við til konsertina, sum eigur nógvar tímar og ár í Klaksvíkar hornorkestri.

Rani Nolsøe var frásøgumaður undir konsertini. Hann hevði rættiliga væl uppá og gjørdi eitt dygdargott arbeiði.

Men takk fyri eina framúr uppliving, sum bara kann upplivast og ikki beskrivast – eins og “90 ára føðingardagurin” heldur ikki kann.

Her nakrar myndir frá konsertini