Tað koma nógvar rokningar aftrat
Hetta er skelkandi. Undanfarna samgonga hevði ikki virðing fyri skattgjaldarans peningi. Her skal eitt upptak til, segði Jákup Mikkelsen
Fyrsta viðgerð av fíggjarlógaruppskotinum er í løgtinginum í dag. Eftir framløguni at døma er veruliga talan um blokk politikk í Føroyum, millum undanfarnu samgongu og núsitandi samgongu.
Fyrstur at røða er framsøgumaðurin hjá Fólkaflokkinum. Hann fegnaðist um góðu gongdina, men var skelkaður yvir hvussu ringan og dapran start hendan samgongan fær. Ógoldnar rokningar eru m.a orsøk til stúranina hjá Jákup Mikkelsen.
Vit fara ikki at undirbudgeterað, vit fara ikki at gera somu feilir sum undanfarna samgonga, segði Jákup Mikkelsen.
Rokningar á 115 mió. krónur eru komnar buldrandi úr skápinum og hetta er heilt víst tí at man vildi krógva tað áðrenn valið, segði Jákup Mikkelsen.